Gefðu áskrift að bókaseríu í jólagjöf

Að ákveða hvað skal setja í jólapakkann getur gjarnan verið erfitt. Á tímum sem allir eiga allt og engan vantar neitt krefst það mikilla heilabrota og fjölda verslunarleiðangra að finna hina réttu gjöf. Við hjá Handtöskuseríunni höfum ákveðið að leggja landsmönnum lið við jólagjafaverslunina.

Vegna fjölda áskorana bjóðum við nú upp á að keypt sé árs gjafaáskrift að Handtöskuseríunni í gegnum heimasíðu okkar á slóðinni www.handtoskuserian.is. Gjafaáskriftin er tilvalin í jólapakkann! Sparaðu þér sporin. Þú losnar við skarkala verslananna. Það gæti ekki verið einfaldara. Kynnti þér málið á www.handtoskuserian.is.

Jane Austen leshringurinn fær góða gagnrýni

Alda Björk Valdimarsdóttir skrifaði gagnýni um Jane Austen leshringinn í Morgunblaðið síðastliðinn laugardag.

Alda segir:

[Jane Austen leshringurinn] er ekki bara fyrir janista heldur höfðar til þeirra sem hafa gaman af góðum bókum. Sagan er vel skrifuð og skemmtileg og fangar þýðingin höfundarröddina ágætlega því hún er vel unnin. Ég tek því undir með Alice Sebold sem segir aftan á bókarkápunni „Ef ég gæti borðað þessa skáldsögu myndi ég gera það “

Þeir sem vilja lesa gagnrýnina í heild sinni geta nálgast hana hér á pdf formi.

Handtöskuserían í Morgunblaðinu

Morgunblaðið fjallar um Handtöskuseríuna í dag. Fréttina má lesa á pdf formi hér.

24stundir fjalla um Handtöskuseríuna

Í 24stundum í dag er umfjöllun um Handtöskuseríuna. Þeir sem vilja fræðast meira um ritröðina geta lesið pdf skjal með umfjölluninni. Þeir sem eru ennþá þyrstir í fróðleik geta svo lesið meira um seríuna á heimasíðu hennar, Handtoskuserian.is.

Handtöskuserían fær góðar viðtökur

Handtöskuserían hefur hlotið góðar viðtökur og viljum við þakka öllum þeim sem gerst hafa áskrifendur að seríunni. Nýjustu fréttir eru þær að Jane Austen leshringurinn, fyrsta bók Handtöskuseríunnar, er komin inn á lista mest seldu skáldsagnanna sem gefnar eru út í kilju sem bókaverslunin Eymundsson tekur saman.

Borðar Arnaldur pasta?

Ballið er byrjað. Hvor bókin verður söluhærri í ár, kokkabók Hagkaupa eða Arnaldur? Í fyrra var það matvöruverslunin sem hafði betur í bóksölukeppninni en Eftirréttir Hagkaupa reyndist mest selda bók ársins 2006 samkvæmt samantekt sem Félagsvísindastofnun vann fyrir Morgunblaðið. Konungsbók Arnaldar Indriðasonar fylgdi á hæla henni og í þriðja sæti var Draumaland Andra Snæs Magnasonar.

Ítalskir réttir seljast best

Eiður í leit að eiganda

Í áttunda hvert skipti sem gestir koma inn á mbl.is birtist talbóla sem er auglýsing frá Handtöskuseríunni. Þú getur unnið handtösku.

Þegar fréttin um að Eiður Smári ætlaði ekki að spila með landsliðinu var á forsíðunni kom auglýsingin vel út við hlið kappans.

Englendingar hefðu án efa staðið sig betur með Eið í liðinu.  

England tapaði og Rússar náðu síðasta EM-sætinu

Jane Austen leshringurinn

Fyrsta bókin sem kemur út á vegum Handtöskuseríunnar er skáldsagan Jane Austen leshringurinn eftir Karen Joy Fowler. Hægt er að lesa nánar um höfundinn hér: http://en.wikipedia.org/wiki/Karen_Joy_Fowler

Í Jane Austen leshringnum segir frá sex einstaklingum sem koma saman einu sinni í mánuði til þess að ræða skáldsögur Jane Austen. Þau eru venjulegt fólk, hvorki hamingjusöm né óhamingjusöm, en eiga það sameiginlegt að hafa brennt sig á lífinu – og ástinni.

Eiginmaður Sylvíu hefur yfirgefið hana eftir 32 ára hjónaband. Jocelyn, besta vinkona hennar, giftist aldrei en helgaði líf sitt hundarækt. Prudie er frönskukennari á þrítugsaldri sem hrjáist af dagdraumum um aðra karlmenn þrátt fyrir að hafa krækt í hinn fullkomna eiginmann. Bernadette er elsti félaginn í hópnum. Hún tilkynnti nýlega að hún væri opinberlega hætt að halda sér til. „Ég lít bara ekki í spegilinn lengur,“ hafði hún sagt. „Ég vildi að mér hefði dottið það í hug fyrir mörgum árum ...“ Hin fallega og áhættusækna Allegra, dóttir Sylvíu, talar ekki lengur við ástkonu sína og Grigg, miðaldra aðdáandi vísindaskáldsagna, er af einhverjum dularfullum ástæðum enn einhleypur. Undir leiðsögn Jane Austen tvinnast líf þessa fólks saman, ástarævintýri hefjast, önnur sambönd líða undir lok og ef til vill skýrist smám saman hvaða tilgangi leshringnum var ætlað að þjóna.

Handtöskuserían hefur göngu sína

Hvað er í handtöskunni þinni? Veski, varalitur, tyggjó ... lesefni til þess að stytta þér stundir í hádegishléinu, í strætisvagninum, eða yfir uppáhaldsbollanum þínum á kaffihúsinu? Í dag, á degi íslenskrar tungu, hefur göngu sína nýr bókaflokkur sem mun skaffa lesefnið í töskuna.

Handtöskuserían er ritröð þýddra skáldsagna en markmið hennar er að gera nýjar og nýlegar, erlendar skáldsögur eftir konur aðgengilegar lesendum á íslensku.

Í tengslum við seríuna hyggjumst við sem stöndum að útgáfunni halda úti bókabloggi hér á blog.is.

Hægt er að lesa nánar um Handtöskuseríuna á slóðinni www.handtoskuserian.is.