Morð og spilling í sænskum smábæ ... Nýjasta bók Handtöskuseríunnar, Sólgos, er komin út!

Lík manns liggur á kirkjugólfi í snævi þöktum smábæ í norðurhluta Svíþjóðar. Það er limlest. Hendurnar skornar af. Augntóftirnar tómar. Trúarlegt fórnarmorð kannski? Þannig hefst hin ógleymanlega glæpasaga Åsu Larsson, Sólgos, sem hlaut Sænsku glæpasagnaverðlaunin fyrir bestu frumraun og fer nú sigurför um heiminn.

Meira um bókina á vef Handtöskuseríunnar. 

…snilld Larsson ber hana beinustu leið í sænsku úrvalsdeildina.  - Expressen

…verðskulduð metsölubók.  - Aftonbladet

Margbrotið samsæri, óviðjafnanleg frásagnargáfa.  - Independent

Þýðandi: Eyrún Edda Hjörleifsdóttir

Hjónin Richard og Judy eru með vinsælustu sjónvarpsstjörnum Bretlands.

Árið 2004 settu þau á laggirnar, í anda Oprah Winfrey, bókaklúbb þar sem þau fjalla um það nýjasta í bókaheiminum.

Vinsældir klúbbsins eru slíkar að nú er talað um að Amanda Ross, sem sér um að velja bækurnar í hann, sé ein áhrifamesta konan í breskum bókaiðnaði. Samkvæmt Guardian trónaði hún á toppnum í bókaiðnaðinum árið 2006 (sjá grein).

Nú stendur yfir val á sumarbók ársins í R&J bókaklúbbnum og eru átta bækur tilnefndar. Við höfum bætt við lista yfir bækur sem okkur finnst vera áhugaverðar eða sem við bloggum um hér vinstra megin á síðunni. Fyrstu átta bækurnar á þessum lista eru sumarbækur Richard og Judy leshringsins fyrir 2008 en þær má einnig sjá hér að neðan.

 Ef þið hafið skoðun á hver sé best, getið þið kosið hér:  http://www.richardandjudybookclub.co.uk

Bókaútgáfan Penguin heldur úti skemmtilegu bloggi og í nýlegri færslu er fjallað um bókakápur og káputexta. Tilefnið er endurútgáfa Penguin á meistaraverkum George Orwells; Animal farm og 1984. Hönnunin á bókakápum þessarar endurútgáfu eru magnaðar en þær eru hér til hægri. Stærri útgáfur af kápunum má sjá í greininni sjálfri.

Kápurnar voru hannaðar af Shepard Fairey sem hannaði m.a. nýlega plakat fyrir kosningaherferð Barack Obama, en hvort forsetaefni Bandaríkjanna vill hafa plaköt af sér í sovéskum stíl eða ekki skal ósagt látið.